Auridol ® - капки за уши

AURIDOL
Капки за уво

Содржина:

1. Што е AURIDOL и за што се употребува
2. Важни информации пред да употребите на AURIDOL
3. Како да се употребува AURIDOL
4. Можни несакани дејства
5. Чување на AURIDOL
6. Останати информации

Состојки: 0,5% раствор на лидокаин-хидрохлорид во безводен глицерол

1.Што е AURIDOL и за што се употребува

AURIDOL капки за уво е медицинско средство чие делување се базира на осмотските својства на глицеролот.
Главна компонента на медицинското средство AURIDOL е глицеролот. Глицеролот има две основни карактеристики кои се важни за неговата примена во капките за уво:

(1)мрсна конзистентност на глицеролот – овозможува нежно прилепување на глицеролот на кожата на местото на аплицирање и е одговорен за неговите заштитни својства и
(2)хигроскопност на глицеролот - глицеролот кога се применува локално, ја отстранува водата од отеченото ткиво (осмотски ефект) што доведува до намалување на отокот, а со тоа и до ублажување на болката во увото

Лидокаинот, кој е локален анестетик, го поддржува основниот ефект на глицеролот и дополнително придонесува за ублажување на болката во увото.
Глицеролот, присутен во медицинското средство AURIDOL, го омекнува церуменот (восокот во увото) и помага во неговото отстранување. Благодарение на неговата способност да ја врзува водата, го отстранува вишокот течност од ушниот канал (осмотски ефект), што доведува до елиминирање на тегобите како што се болка и оток кои се јавуваат при воспалителни состојби на увото. Глицеролот делува на причинителот. Лидокаинот во AURIDOL капките за уво е локален анестетик кој го поддржува основниот ефект на глицеролот и дополнително придонесува за ублажување на болката во увото.

AURIDOL се користи за:

• Воспалителни состојби кои се карактеризираат со болка, оток и чешање на надворешниот ушен канал.
• Тегоби придружени со болка, кои се предизвикани од редовното изложување на вода и влага, на пр. базен
• Тегоби придружени со болка предизвикана од продолжено носење слушалки или од восок кој го затнува надворешниот ушен канал
• Тегоби придружени со болка предизвикана од честа употреба на детергенти кои ја уништуваат природната заштитна бариера на надворешниот ушен канал, на пр. шампони, сапуни, гелови.

AURIDOL може да се користи кај деца постари од 6 месеци.

2. Важни информации пред да употребите AURIDOL

Контраиндикации

Не користете AURIDOL:

• ако пакувањето е оштетено;
• ако ушното тапанче е оштетено (на пр. хронично воспаление на средното уво);
• AURIDOL треба да се користи само по детален отоскопски преглед од страна на лекар;
• доколку сте алергични на некоја од состојките на производот;
• доколку е истечен рокот на употреба на производот отпечатен на пакувањето;
• веднаш по операција или хируршки зафат на увото;
• кај деца помали од 6 месеци;
• во случај на долготрајна болка или оток предизвикан од воспаление поради бактериска или габична инфекција; овие тегоби бараат посета на лекар;
• во случај да има исцедок од уво - истекување од увото.

Предупредувања

• AURIDOL не треба да се нанесува во уво со присутен слушен апарат. AURIDOL треба да се нанесе еден час пред да се стави слушниот апарат во надворешниот ушен канал.
• Нема докази дека капките за уво AURIDOL имаат негативен ефект кога се користат за време на бременост и доење, пред да ги употребите капките AURIDOL во овие состојби, треба да се консултирате со лекар кој ќе процени дали очекуваната корист од употребата на ова медицинско средство го надминува потенцијалниот ризик.
• Доколку симптомите се влошат или нема подобрување по три дена од употребата на капките за уво AURIDOL и ако имате висока телесна температура, консултирајте се со Вашиот лекар. Продолжената болка или оток може да укажуваат на бактериска или габична инфекција која бара понатамошна и подадекватна терапија.
• Само за надворешна употреба.
• Избегнувајте контакт со очите, устата и мукозните мембрани на грлото и носот.
• AURIDOL е наменет за привремено ублажување на болката во ушите, која не трае подолго од 3 дена и не смее да се користи за хронична болка.

Употреба со други лекови/медицински средства

Интеракцијата со други производи не е истражувана. Меѓутоа, познато е дека антиаритмиците (лекови за третман на неправилен ритам на срцето) ги зголемуваат несаканите дејства на лидокаинот, па нивната истовремена употреба може да доведе до сериозни несакани дејства. Циметидин, бета-блокатори, норепинефрин, анестетици за инхалација го инхибираат метаболизмот на лидокаин со намалување на преминот низ црниот дроб, што доведува до зголемување на нивото на лидокаин во серумот.
Барбитуратите, рифампицин и фенитоин го забрзуваат метаболизмот на лидокаин преку активирање на микрозомалните ензими на црниот дроб.
Лидокаинот го подобрува ефектот на релаксантите на попречно-пругастите мускули.
Не се препорачува употреба на други лекови/медицински средства во форма на капки за уво и спрејови за уво за време на употребата на медицинското средство AURIDOL; за нивната истовремена употреба со медицинскиот производ AURIDOL, неопходно е да се консултирате со лекар или фармацевт.
Пред да користите AURIDOL, капки за уво, информирајте го Вашиот лекар или фармацевт за другите производи што ги нанесувате во увото, како и за сите лекови што ги земате или неодамна сте ги земале, вклучително и оние што се издаваат без лекарски рецепт. По употреба на капките, не се препорачува употреба на други лекови, медицински средства, во форма на капки за уво најмалку 30 минути.

3. Како да се употребува AURIDOL

1. Измијте ги рацете, а потоа отворете го шишето со одвртување на капачето. Навалете ја главата или легнете на страна така што увото што се лекува да биде свртено нагоре.
2. Нежно повлечете ја ушната ресичка (долниот дел од ушната школка) подалеку од вратот.
3. Шишенцето, AURIDOL, капки за уво, превртете го наопаку и нанесете 1-2 капки од производот на влезот во ушниот канал со притискање на двете страни.
4. Држете ја главата навалена неколку минути за капките да влезат во ушниот канал.
5. Избришете го вишокот течност со чиста марамица.
6. Дополнително, се препорачува да се затне надворешниот ушен канал со памучна вата по нанесувањето на капките.
7. Повторно затворете го шишенцето со навртување на капачето.

Дозирање

Возрасни и деца над 12 години: 2 капки во секое уво до три пати на ден.
Ако нема подобрување по 3 дена или ако се чувствувате полошо, консултирајте се со лекар.

Деца постари од 6 месеци: 2 капки во секое уво до три пати на ден.

Да се користи само под надзор на возрасен или лекар.

Ако нема подобрување по 3 дена или ако детето се чувствува полошо, контактирајте се со лекар.

Во случај на употреба кај деца, неопходно е да се заштити увото со памучна вата.

AURIDOL не смее да се користи кај деца помлади од 6 месеци.

Само за надворешна употреба. Третманот треба да биде под надзор на лекар.

AURIDOL содржи 7 g раствор.

4. Можни несакани дејства

AURIDOL добро се поднесува и нема познати несакани дејства при неговата употреба. Во случај да се појави алергија или друго несакано дејство, информирајте го Вашиот лекар или фармацевт и веднаш прекинете ја употребата на производот.
AURIDOL, капките за уво треба да се користат исклучиво во согласност со упатството за употреба.

5. Чување на AURIDOL

AURIDOL треба:

• да се чува на суво место, на температура од 15°C до 25°C во исправена положба;
• да се заштити од замрзнување и да не се чува во фрижидер;
• да се заштити од изложување на директна сончева светлина;
• да се чува вон вид и дофат на деца.

По првото отворање, капките за уво AURIDOL може да се користат 4 недели. Напишете го на пакувањето датумот на првата употреба на AURIDOL, капките за уво.
По употребата, отстранете го пакувањето во согласност со локалните прописи.

6. Останати информации

AURIDOL е медицинско средство од III класа.

CE 1434

Пакување: Повеќедозно шишенце кое содржи 7 g раствор.

Производител: EmergoPharm Sp. z.o.o. Sp.K., ul. Jana Ciszewskiego 15, 02-777 Warszawa, Полска

Објаснување на симболите употребени на пакувањето:

Дозволена температура за чување

Пред употребата да се прочита упатството за употреба

Производител

Предупредување

Број на серијата

Важи до (рок на употреба)

CE знак

Да се чува заштитено од сончевата светлина

Да не се употребува доколку пакувањето е оштетено

Датум на последна ревизија на упатството за употреба:
Февруари, 2024 година

Носител на решение за запишување во регистарот на медицински средства во Р.С. Македонија:
САЛВЕО ДООЕЛ, ул. Васил Ѓоргов бр. 19/2-26, 1000 Скопје, Р.С. Македонија

Број на решение за запишување во регистарот на медицински средства: 14-2296/2 од 01.03.2024 година

AURIDOL-EME-V01-03.2024