Онихомикоза – препознајте ја габичната инфекција на ноктите и реагирајте навреме
Проф. д-р Анета П. Кокалеска Специјалист по дерматовенерологија ПЗУ „Д-р Анчевски“ МИТ Универзитет – Скопје
Здрави нокти – убав изглед, удобност и сигурност при секој чекор!
Промената на бојата, задебелувањето или кршливоста на ноктите не се само естетски проблем. Овие промени може да укажуваат на онихомикоза – габична инфекција што најчесто ја зафаќа ноктената плоча и може постепено да напредува ако не се третира соодветно.
Што претставува онихомикозата?
Онихомикозата е габична инфекција на ноктите, најчесто предизвикана од дерматофити – микроорганизми што го разградуваат кератинот, главната структурна компонента на ноктената плоча. Инфекцијата може да се појави на еден или повеќе нокти, а ризикот се зголемува со возраста и при одредени фактори што го зголемуваат ризикот.
Тесните и непропустливи обувки, прекумерното потење на стапалата, честото изложување на влага, повредите на ноктите, нарушената периферна циркулација и ослабениот имунолошки систем може да придонесат за појава на инфекцијата.
Ризикот од изложување на габични микроорганизми е поголем и во заеднички влажни простории, како што се јавните тушеви, базените и соблекувалните, особено при одење бос.
Дополнително внимание е потребно и при маникир и педикир, вклучително и при носење гел-нокти, бидејќи оштетувањето на ноктената плоча и несоодветната хигиена на инструментите може да го зголемат ризикот од инфекции.
Како да ги препознаете првите знаци?
Најчестите промени поврзани со онихомикоза се:
- промена на природната боја на ноктот – белузлава, жолтеникава или кафеава нијанса;
- задебелување и нерамна површина на ноктената плоча;
- кршливи нокти што лесно се распаѓаат;
- одвојување на ноктот од подлогата;
- насобирање материјал под ноктот;
- непријатност или болка, особено при носење обувки.
Важно е да се знае дека не секоја промена на ноктите е предизвикана од габична инфекција. Затоа, при сомневање за онихомикоза, се препорачува консултација со лекар или дерматолог. По потреба, дијагнозата се потврдува со микроскопски преглед и лабораториско испитување.
Mycosan – локална нега за ноктите со знаци на габична инфекција
Сетот Mycosan за третман на габични инфекции на ноктите е наменет за локална нега на ноктите со знаци на габична инфекција. Сетот содржи прецизна четкичка и 10 турпии за нокти, кои овозможуваат практична примена на производот.
При користење на производот, важно е да се следат упатствата од оригиналното пакување, да се одржува хигиена на ноктите и турпиите да не се користат заеднички со други лица.
Изборот на третман зависи од степенот на зафатеност на ноктот и од причината за промените. Кај полесни случаи може да се разгледа локален третман, додека кај пообемни или потешки инфекции лекарот може да препорача дополнителна терапија.
Доследноста е клучна
Ноктите растат бавно, па подобрувањето не се забележува веднаш. Потребно е време оштетениот дел постепено да израсне и да биде заменет со здрав нокт. Затоа, редовната примена според упатството е важен дел од негата.
За да се намали ризикот од повторување, се препорачува:
- стапалата да се одржуваат чисти и суви;
- чорапите да се менуваат редовно;
- да се носат обувки што овозможуваат проветрување;
- во јавни тушеви и соблекувални да се носат соодветни обувки;
- инструментите за маникир и педикир да бидат правилно исчистени и дезинфицирани.
Здравите нокти започнуваат со навремена грижа
Промените на ноктите не треба да се игнорираат или само да се прикриваат со лак. Навременото препознавање, соодветната дијагностика и правилно избраниот третман можат да помогнат во справувањето со проблемот.
Salveo CEE
